شەفەق نیوز/ میدیایەێل ئه‌مه‌ریكا بڵاوکردنە، بڕ فرەیگ لە دۆلار ئه‌مه‌ریكی لە بارئەڵگر پۊیل ئەرا بانكه‌ێلە، لە ری زۊینەی کالیفۆرنیا کەفتە خوار، لەوەر کەفتن ئه‌و پۊیلە، شمارەیگ رانندە له ریەگە وسیان و وە تۊنی ئه‌وه‌نەی وەپیان کریا دۆڵار گردەوکردن.
ئه‌فسه‌ر پۆلیس هاتووچو ناوچه‌گه راگەیان، دەر یەکیگ له بارئەڵگرەێل زریپووش بڕدن پۊیل ئەرا بانکەێلە وازبوود و شمارەیگ کیسە پۊیل کەفێدە خوار ، یه‌كیگ له كیسه پۊیلەێل دریایە لەوەر ئەوە ئەو پۊیلە وەو جادە بڵاو بۊیە.
ده‌سه‌ڵاتدارەێل ناوچه‌گه باس لەوە کردنە، ئه‌و پۊیلە له ری خێراگەی كالیفۆڕنیا کەفتیە، له جۊر تاك دۆلاری و 20 دۆڵاری بۊیە، باوجی ئاشکەرا نەکردنە بڕ ئەو پۊیلە چەنیگ بۊیە و چەنی وە لایەن مەردمەو بریایە.