شەفەق نیوز/ لەدویای رەدبوین 54 رووژ وەبان زەویلەرزە ویرانکەرەگەی تورکیا، مناڵیگ لەری وشکنین DNA وە داڵگی شادەوبوی.
دێریا یانك، وەزیر خێزان و كاروبار كۆمەڵایەتیی توركیا، شمارەیگ وینەی ئەو مناڵە و داڵگەگەی لەبان تویتەر بڵاوکرد و راگەیان لە ولایەت ئەدەنە، ئەومناڵە وە داڵگی شادەوبویە.
مناڵە بویچکەگە تەمەنی سێ مانگ و نیمە ماوەی ١٢٨ سەعات لە ژیر رمیاگەیل زەویلەرزە ویرانکەرەگە ولایەت هاتای بوی.
میدیایەیل تورکیا باس لەوەکەن ئەو مناڵە لە زەویلەرزەگە باوگی و براگەی لە دەسدایە و داڵگییش زەخمدارە لە خەسخانە چارەسەر کریەێد.