شەفەق نیوز/ دەسەڵاتەیل مەکسیک، ئمڕوو دووشەممە، راگەیانن کە کلیسایگ لە باکوور وڵاتەگە رمیایە، و بویە هوکار کوشیان نۆ کەس لەلای کەمەو، و زەخمداری ٤٠ کەس و هیمان کەفتنەسە مینەی ٣٠ کەس کە مەزەنە کریەێد هیمان لەژیر رمیاگەیل گیر هاتنە.
دەسەڵاتەیل وتن: سەربازەیل فریاگوزاری لەژیر رووشنایی و وەکارهاوردن سەگ و ئامێرەیل کەفتنەسە مینەی شوین رزگاربویەیل و دراوردنیان لە ژیر رمیان کلیساگە لە سیوداد ماریو.
وینەیلیگ لەبان سۆشیال میدیا بڵاو بوین، کە نشان مەوقەی رمیان قەواسەی کلیساگە و هەڵسان دویکەڵ بوور نشان دەێد، ئیجا دیوارەیلی کەفن کە وە خشت زەرد دروس کریانە.