پولیس لە بەیاننامەیگ ئمڕوو پەنجشەممە، وت:ئەو کابرا ک لەناو خەسەخانەی (نۆرت ساید) دویای نیمەڕو چوارشەممە، لەناوی تەقە کردیە وەناو دیون باترسون بویە، ک ئەندامیگ وەرینە لە پاسەوان کناراوەیل، و دویای تاوانەگە وایە، ئیجا دەسگیر کریا. 

دارین شیربۆم فەرماندەی پولیس وت: چەن دەزگایگ بەشداری لە وەشوینکەفتن باترسون کردنە، و جاری دیار نییە ئەگەر نیاز تەقەکردن لەو کەسەیلە داشتگە یا وە هەڕمەکی کردیەسەی.

وتیش: داڵگ باترسون وەگەردی بویە لەناو هۆڵەکە لە خەسەخانەگە، و تویش گولە نەهاتیە.

تووڕ سی ئێن ئێن ئەمریکی وت: باترسون مەوقەی سەردان خەسەخانەگە تویڕە بویە ئیجا تەقە کردیە.

 لەلای خوەییش، ماڵ چەرمگ وت: سەرۆک جۆ بایدن و کامیان هاریس جیگری لەی رویداوە ئاگادار بوینە، و کارینا جان بیار قسەکەر سەرۆکایەتی زوور لەبان گرنگی جیوەجیکردن گامەیلیگ کرد ئەرا نواگردن تونەڕەوی ک لەناو کۆمەڵگا و مەکتەوەیل و کلیسەیلمان دوینیمن.