شەفەق نیوز/ ٣٤ کەس لەلای کەمەو گیانیان لەدەس دان و ١٢ کەسیش زەخمدار بوین، وە رویداویگ هاتوچو، ئمڕوو چوارشەممە، لە ویلایەت تامنراست لە جەزائیر.
وەگورەی میدیایل راگەیانن، ٣٤ کەس لەلای کەمەو گیانیان لەدەس دانە و ١٢ کەسیش زەخمدار بوینە لەو رویداو هاتوچوە لە ئاوای ئوتوب لە تامنراست باشوور جەزائیر.
رویداوەگە لەناوەین پاس گەورەیگ و ماشینیگ پیکاب پڕ لە سوتەمەنی بویە.
رووژنامەی (النهار) جەزائیری وت؛ رویداوەگە شەفەق ئمڕوو چوارشەممە بویە، و ئاگر لە ماشینەیل هیز گردیە، ئەوەیش لەبان ری شمارە ٠١ لە ناوچەی ئوتول لە شارەوانی تامنراست.
رووژنامەگە وتیش؛ قوربانیەیل لە ئەنجام رویداوەگە سزیانە، و نۆ زەخمدار ئەرا خەسەخانە بریان.