شەفەق نیوز/ وەزارەت سامانەیل سرووشتی لە هەرێم کوردستان، ئمڕوو دووشەممە، وسیان هەناردەی نەفت وەرەو تورکیا راگەیان، ئەوەیش لەوەر ئەو زەویلەرزەی دویاییە.
وەزارەتەگە لە بەیاننامەیگ رەسیە ئاژانس شەفەق نیوز وت: لەوەر ئەو زەویلەرزە ک دادە تورکیا و سوریا، و ئەرا دڵنیابوین لە بیوەیی کار هەناردەی نەفت، بڕیار وسیان هەناردەی نەفت وەڕی لویلەی هەرێم کوردستان - تورکیا دریا.
بەیاننامەی وەزارەتەگە وتیش: دویای دەرچگن راپۆرت ئاشکراکردن لە لایەنەیل پەیوەندیدار دووارە هەناردە کریەێد.
نیمەڕو ئمڕوو، زەویلەرزەی نوویگ دادە شار کەهرمان مەرعش باشوور خوەرهەڵات تورکیا وە تونی ٧.٥ پلە لەبان پەیمانەی ریختەر.