کۆمپانیای ڕاپرسی "پارامێتری" مەزەنەی ئەوە کرد کە شینباوم 56% دەنگەیل وەدەس بارێد، و کاندید ئۆپۆزسیۆن، خۆچیتل گالڤێز، 30% وەدەس هاورد، وەگورەی نووڕین دەنگدەرەیل دویای ئەوەگ بنکەیل دەنگدان وەجی هیشتن.

 چوار ڕاپرسی ترەک باس ئەوە کرد کە شینباوم لە ری سەرکەفتنە.  وەگورەی ئاژانس ڕۆیتەرز، بڕیارە لە چەن ساعەت ئایندە ئەنجامە سەرەتاییەیل دەربکەفن.

 خۆچیتل گالڤێز کاندید ئۆپۆزسیۆن دان وە شکستەگەی نەنا و داوا لە لایەنگرەیل کرد سەبر بگرن.

 سەرکەفتن شینباوم لە پۆست سەرۆکایەتی گامیگ گەورە بوود ئەرا مەکسیک کە وڵاتێگە وە کولتور پیاوسالاری ناسریاس.

 ریخریاگ ژنەیل نەتەوە یەکگرتگەیل ڕاپۆرت کەێد کە رووژانە وە گشتی نۆ تا دە ژن لە مەکسیک کوشیەن.

 لە یەکەم تشرین یەکەمەو دەس وە خول ٦ ساڵە کەێد.  شینباوم دویای دەنگدان لە باشوور پایتەخت وت: "رووژیگ میژووییە."

 شینباوم ئاشکرا کرد کە لە هەڵوژاردن سەرۆکایەتی دەنگ وەخوەی نەیاس، بەڵکم دەنگی ئەرا یەکیگ لە پیشەنگەیل چەپ مەکسیک بویە کە ئیفیجینیا مارتینێز (٩٣ ساڵ) بویە، یەیش جویر پیزانینیگ ئەرا خەباتەگەی.  شوینباوم لە کۆتایی وت: بژی دیموکراسی.