شەفەق نیوز/ میدیایل راگەیانن، ئمڕوو دووشەممە، خەوەر لە مردن عەلی ئەکبەر محتەشەمی پور وەزیر ئیرانی وەرین دان، ک لە تەهران وە دامەزرێنەر «حزبولڵای لوبنانی» باسی کەن، لە تەمەن ٧٥ ساڵان، لەوەر تووشهاتنی وە ڤایڕۆس کۆڕۆنا..لە پەیام پرسەنامەی موحتەشەمی پور، ک لە ساڵەیل ١٩٨٨ - ١٩٨٥ لە پۆست وەزیر ناوخۆی ئیرانی بوی، محمد جەواد زەریف وەزیر دەرەوەی ئیرانی وت: پتر دەور زاقیگ لە دامەزرانن حزبولڵا رانێ، و پاڵپشتی خوازینەیل گەل فەلەستین، وەگەرد دەور دیبلۆماسیی لە بەرەی وەرخودان.
عەلی ئەکبەر محتەشەمی پور لە کۆمەڵگەی زانایل ئاین خەباتکارەیل حوجەتولئیسلام بوی، و لە خەسەخانەی خاتەمولئەنبیا لە تەهران لەوەر ڤایڕۆس کۆڕۆنا مرد، ک زوهرە سادات محتەشەمی پور دوێەتی خەوەرگە دووپات کرد.