شەفەق‌نیوز/ جەڵاڵ بەهرامی، موعاون خەدەمات شارداری تێهران وتگە: شارداری تێهران، پەسا قەڵێ زەوین سێزدە هکتاری ئەڕا قەورسان هن مردگەێلەێ زەوین‌‌‌لەرزەێ بانان تێهران، ئامادە دکەێ.

ئەوی وتگە: ئی قەورسانە، ئەڕا یە ئامادە دکرێ ک ئەر کوت‌و پڕ زڵزڵەێ گەپێ هات، شارداری گەنگیرەو نەبێ ئوو دەسهەڵات یە بداشتووبێ ک تەرم وڵاتوەندەێلە دە ئی قەورسانە تمەو بکەێ ئوو شار نەکرێگە قەور کنیاگ مەردم ک ئەوەیش خوەێ بیمارییەێل گەنێ دخەێ دە وڵات.

شار تێهران تا ئێسە چەن جار ئوو نزیکەێ سەد و بیس ساڵ پێش، وە گشتی ئوو وە بوونەێ زەوین‌زۆورد وەرد خاک هامارەو بییە ئوو وەوجوورە ک زاناێل زڵزڵەناس وتنە دی وەختە دوارە زڵزڵەێ گەپێگ دە تێهران بیاێ و ژێرێ بکەێگە بان و بانێ بکەێگە ژێر.