شەفەق نیوز/ ئمڕوو جمعە، ئەرمینیا راگەیان ویرانکردن ٥٥٢ ئامێر سەربازی ئازەربایجانی، لەناویان تانک و فڕۆکەیل بیفڕۆکەوان، لە وەخت دەسکردن وە جەنگەکان لە هەرێم قەرەباغ لە ٢٧ مانگ گوزەیشتە.

ناوەند راگەیانن حکومەت ئەرمەنی لە بەیاننامەیگ وت: جەنەگەگە بووبە هووکار ویرانکردن ١٨١ فڕۆکەی بیفڕۆکەوان، و ٢١ فڕۆکە ، و ١٦ هەلیکۆپتەر، و چوار سیستەم مووشەکی، گشتی سەروە سوپای ئازەربایجانیین.

وەگورەی بەیاننامەی ئەرمەنی، هێزەیل ئازەری لە وەخت دەسکردن جەنگەگە ٥٩٥٩ کەس لە جەنەگەگان لەدەس داگە.

بەیاننامەگە ئاماژەدا ک لەماوەی ٢٤ ساعەت گوزەیشتە، فڕوکەیگ ئازەربایجانی خریاسە خوار، و ٨ ماشین قەڵغانی ویران کریاگە، و ١٢٠ کەس کوشیاگە.