شه‌فه‌ق نيوز/ ئاماريگ ئاژانس روێته‌رز ئه‌وه ده‌رخست ك شماره‌ى حاڵه‌ته‌يل مردن له وڵاته‌يل يه‌كگرتگ ئه‌مريكا وه ڤايرۆس كۆرۆنا له 30800 حاڵه‌ت كرده‌سه بان، ئه‌ويش دوياى زايه‌يگ پێوه‌رى له شماره‌ى مردن رووژانه‌ى له‌شوون يه‌ك ك وه‌لاى كه‌مه‌و ره‌سيه 2371 حاڵه‌ت.
وڵاته‌يل يه‌كگرتگ رووژ سێشه‌مه‌ى گوزه‌يشت 2364 تۆمار كرد جوور ئه‌وه‌گ روێته‌ر ئاماژه وه‌پيكرد، يه‌يش له‌وه‌ختيگ زانكۆى جونز هۆبكنز ك جوور سه‌رچه‌وه‌يگه له چه‌وديريكردن حاڵه‌ته‌يل مردن و تويشهاتن وه ڤايرۆس كۆرۆناى تازه، وت: په‌تاى كۆرۆنا له رووژ سێشه‌ممه‌ى گوزه‌يش 2228 حاڵه‌ت تۆمار كردگه و وه‌يه‌يش شماره‌ى گشتى حاڵه‌ته‌يل له ئه‌مريكا ره‌سيه‌سه 25757 كه‌س و شماره‌ى جه‌م تويشهاتنيش ره‌سيه‌سه 638111 كه‌س.
جى باسه، يه‌كه‌م حاڵه‌ت مردن وه ڤايرۆس كۆرۆناى تازه له وڵاته‌يل يه‌كگرتگ له 29 فبرايه‌ر گوزه‌يشت تۆمار كرياو دوياى 38 رووژ شماره‌ى مردن ره‌سيه 10 هه‌زار و دوياى 9 رووژتر ره‌سيه 30 هه‌زار.