لەوەختیگ تیمەیل مینەکردن لە تورکیا و سوریا وەردەوامن وەمینەی کەسەیلیگ وەزنی لە ژیر رمیاگەیل زەویلەرزەگە، راپۆرتەیل باس کەن ک شمارەی کوشیاگەیل لە تورکیا رەسیە ٥.٨٩٤ کەس.

فوئاد ئوقتای جیگر سەرۆک تورکیا وت: شمارەی مردنەیل زەویلەرزەگە رەسیە ٥٨٩٤ کەس.

وتیش: شمارەی زەخمدارەیل رەسیە ٣٤.٨١٠ کەس.

هەمیش وت: تیمەیل پەیوەندیدار گشت ریەیل ئەرا رەسین پاڵپشتیکردنی لۆجیکی ئەرا شوین زەویلەرزەگە واز کردن، وتیش: شمارەی ئەو بینایلە ک وە زەویلەرزەگە رمیانە رەسیە ٥.٧٧٥ بینا.

وتیش: نزیکەی ٨ هەزار کەس لەژیر رمیاگەیل رزگار کریانە.

فوئاد ئوقتای جیگر سەرۆک تورکیا وتیش: ٣١٢ لەرزەی تەکانی لە دویای زەویلەرزەگە بویە، ک هاز زەویلەرزەگە رەسیە ٧.٧ پلە و سەنتەرەگەی لە ویلایەت کەهرمان مەرعش لە باشوور تورکیا بوی.

لە سوریا، ناوەند ماف مرۆڤ سوریا وت: شمارەی کوشیاگەیل رەسیە زیاتر لە ٢.٥٠٠ کەس.

راپۆرتەیلیگ وتن شمارەی زەخمدارەیل لە زەویلەرزەگە لە سوریا رەسیە ٢.٥٥٤ کەس.

وەیەوە قوربانیەیل زەویلەرزەگە   لە ٥.٨٩٤ کەس لە تورکیا، و ٢.٥٠٠ کەس لە سوریا رەد کرد.