شەفەق نیوز/ کۆشک باکینگهام لە بەیاننامەیگ راگەیان شازادە ئان خوەشگ شا چارڵز سێیەم، لە خەسخانەس، دویای ئەوەگ لەناو ماڵەگەی خوەی سەری زەخمداربوود و زەبر وە مشکی رەسێد.
سرچەوەیگ لە خێزان شاهانە وە cnn راگەیاندیە، شازادە ئان تەمەن 72 ساڵ لە نزیک ئەسپەیلی لە پارک گاتکۆمب، لە شار گلۆستێرشایری خوەرئاوای ئینگلتەرا، وە پا ریکەێد هەنای سەری تویش زەخمداری سوکیگ بویە، تیمیگ پزیشکی شازادە ئان ئوشن زەخمەیل سەری وەگەرد کاریگەری بەرکەفتن وەگەرد سەر یا قول ئەسپ یەکەوگرێد.
ئان خوەشک بویچگ شا چارڵزە، و دویەم منداڵە لە چوار مناڵ شاژنە ئەلیزابێس دویەم، لە دویای ئەویش شازادە ئەندرۆ و ئێدوارد تێن.