لە ساڵ 2021، جێنیفر وێنیش کە ئەو وەختە تەمەنی 30 ساڵ بوی، دویای ئەوەگ وە چەن توومەتیگ سزا دریا، لەوانە "تاوانیگ دژوە مرۆڤایەتی کە بویە مدوو مردن کەسیگ" و "لایەنگر ریخریاییگ تیرۆریستییە”.

یەیش یەکیگ بوی لە یەکەم دادگاییکردنەیل کە لە جەهان ئەرا ئەو کەسەیلە ئەنجامدریا کە توومەتبارن وە تاوان جەنگ دژوە ئێزیدییەیل، کە داعش دڕندەیی جویراجویریگ وەرانوەریان ئەنجامدا.

لەو رووژە داواکاری گشتی لە میونشن داوای دووارە دادگایی کردنی کرد، وە تایبەتی لە لەوەرچەوگردن ئەوە کە سزای 9 ساڵ زیندانیکردن گونجیاگ نییە وەگەرد توومەت هیشتن دویەتیگ  ئێزیدی کە لە عێراق کۆیلە کریایە وە تینگی بمرێد، و تا دویەکە سێشەممە، نووڕین دادوەرەیل وەگەرد نووڕین داواکاری گشتی هاوڕا بوی.

قسەکەر دادگای میونشن ئەرا "ئاژانس فرانس پرێس"ی وت: ژووریگ لە دادگاگە دادگاییکردنەگەی واز کرد و بڕیاردا سزای ڕی توومەتە ئەرا 13 ساڵ زیندان سەختەو بکریەێد.

سزای لایەنگری ریخریاییگ تیرۆریستی جویر خوەی مینێدەو، واتە یەک ساڵ زیندانیکردن، وەیەوە  سزای زیندانیکردن فێنێچ رەسێدە 14 ساڵ.

جێنیفر فێنێک ژنیگ لەداڵگبوی ئەڵمانییە و خەڵک شار لوهن لە ویلایەت ساکسۆنی خوارگ (باکوور خوەرئاوا) و لە ساڵ 2014 هاتیەسە  عراق تا پەیوەندی وەرد "برایلی" بکەێد.

لە تاوسان 2015 وەگەرد شویە عراقیەگەی تەها جومەیلی دویەتیگ تەمەن 5 ساڵان و داڵگی سەنیە کە هەردوگیان لە کەمینەی ئێزیدی بوین و جویر کۆیلە فرووشیانە وەگەرد بڕیگ دیل.

 هەناێ مناڵەگە مردیە، داڵگی هیمان مەنیە لە شوینیگ نهێنی لە ئەڵمانیا، کە وەچەودییگ سەرەکییە لەی دادگاییکردنە و هەرلیوا لە دادگاییکردنیگ ترەک پەیوەندیدار کە لە فرانکفۆرت وەڕیەو چوود.

ئەو داڵگە لەوەردەم دادگا باس ئەو دڕندەییانەیە وەگەرد مناڵەگەی کردیە، کە وتیە؛ مناڵەگەی چەن جاریگ وەدەس جەلادەیلی رەفتار بەد وەگەردی کریایە، تا ئەوەنە جاریگ لەبان شەوخەفەگەی میز کردیە.

ئیجا شویەگەی جێنیفر بڕیاردا ئەو دویەت بویچگە "سزا" بیەێد وە بەسیانی لە دەیشت ماڵەگە وە پەنجەرەگەو لە پلەی گەرمی نزیکەی 50 پلەی سەدی و لە وەختیگ دویەتە بوچکەگە وەجی هیشتنە تا لە تینگی بمرێد، داڵگی ناچار بو لە ناو بمینێد ئەرا خزمەتکردن ژن و شویەگە.

لە تشرین دویەم ساڵی 2021، دادگایگ لە شار فرانکفۆرت (خوەرئاوای ئەڵمانیا) سزای زیندانی هەتاهەتایی لەبان تەها جومەیلی چەسپان، دویای ئەوە کە وە چەن تاوانیگ، لەوانە "جینۆساید"، "تاوانەیل دژوە مرۆڤایەتی کە بویە مدوو مردن"، "تاوانەیل جەنگ" و "بەشداریکردن لە تاوانەیل جەنگ”.