شه‌فه‌ق نيوز/ هه‌ريه‌ك له سعوديه‌و به‌حره‌ين و ئيمارات زه‌نگ مه‌ترسى كوتان ئه‌را ئه‌و هاووڵاتيه‌يليانه ك وجوود ديرن يا ئه‌خوازن بچن وه‌ره‌و لوبنان، ئه‌ويش دوياى كه‌فتنه‌وه‌ى ناسه‌قامگيرى ئه‌منى له‌و وڵاته له‌وه‌ختيگ ك مه‌ردمه‌گه‌ێ ده‌سكردنه‌سه خوه‌ينيشانداين دژ حكومه‌ته‌گه.
وه‌زاره‌ت خارجيه‌ى سعودى له تويته‌ر نويساگه: له‌وه‌ر بارودوخ ناسه‌قامگير ئيسه له لوبنان و له‌وه‌ر كه‌فتنه‌وه‌ى هه‌ر حاڵه‌تيگ خراو و مكوڕبوين شانشين له‌بان سه‌ڵامه‌تى هاووڵاتيه‌يلێ، وه‌زاره‌ته‌گه وشدارى ئه‌ياده گشت هاووڵاتيه‌يل گه‌شت وه‌ره‌و لوبنان نه‌كه‌ن چ له شانشين سعوديه‌و يا هه‌ر ده‌وڵه‌تيگ تره‌و.
له هه‌مان وه‌خت وه‌زاره‌ت خارجيه‌و هاريكارى ناوده‌وڵه‌تى له ئيمارات، وشدارى دا هاووڵاتيه‌يلێ گه‌شت وه‌ره‌و لوبنان نه‌گه‌ن له وه‌خته‌يليگ تر ك بارودوخه‌گه روێ له خاسى ئه‌كا.
جى باسه، وه‌زاره‌ت خارجيه‌ى به‌حره‌ينيش داوا له هاووڵايه‌يلێ كرد ده‌سوه‌جێ لوبنان بيلنه‌جێ وه بوونه‌ى ئه‌و خوه‌ينيشانداينه‌يله ك ئه‌نجام ئه‌گرێد دژ حكومه‌ت له‌و وڵاته.