شەفەق نیوز/ دادگایگ ئیرانی لە پارێزگای ئەسفەھان، فەرمان ٧٥ ساڵ زیندانی لەبان ١٥ ژن دەرکرد وە توومەت پرۆپاگاندە ئەرا باوەڕ ئاین بەهائی.
حکومەت ئیران جویر کار پرۆپاگاندە و هەڕەشەی ئایدۆلۆژی نووڕێدە چالاکیەیل بەهائیەیل وە تایبەت کارەیل خێرخوازی و هووکارەکاری.
یاسای ئیرانی بەهائیەیل وە بڕیگ لەڕیدەرجگ دەێدە قەڵەم کە کار ئەرا ئیسرائیل کەن.
سەرچەوەیلیگ ئاگادار ئەرا ئێزگەی ئیرانی (فەردا) وتن: محمد رەزا تەوەکولی سەرۆک لق یەکەم دادگای شووڕش لە ئەسفەهان فەرمان ٥ەسلڵ زیندانی لەبان ئەو ١٥ ژنە دەرکرد.
هەمیش بڕیار باج ٥٠ ملیۆن تومان لەبان هەریەک لەلیان دەرکرد، و قەیەغەی دەرچگن لە وڵاتەگە تا ماوەی پەنج ساڵ.
لە ٣ی نیسان گوزەشتە ئی ژنەیلە دەسگیر کریان وە توومەت پرۆپاگاندەی لەڕیدەرجگ و چالاکیەیل دژوە شەریعەت ئیسلامی پیرووز.