شەفەق نیوز/ راپۆرتیگ لەلایەن پسپۆڕیگ سەوەخوەی لە نەتەوە یەکگرتگەیل، ئمڕوو چوارشەممە، ئاشکرای ناچارکردن بڕیگ لە کەمینەیل لەلایەن ولات چین ئەرا کارکردنیان لە ناوچەی شینجیانگ کرد، و ئەوەگ تایفەی ئۆیگور و کەمینەیل موسڵمان تر کەفنە وەری وە تاوان دژوە مرۆیی دادە قەڵەم.

ئەو راپۆرتە ک میدیایل راگەیانن خوەرئاوایی بڵاوی کردن، نشان ئەوە دا ک کەمینەیل ناچار کارکردن لە کشتوکاڵی و پیشەسازی کریەن، ک رەسێدە کۆیلەکردن جویر تاوانیگ دژوە مرۆیی.

پەکین تووماتبارە وە گیرهاوردن زیاتر لە یەک مەلیۆن کەس لە ئۆیگورەیل وئەو کەمینەیل موسڵمان لە چینجیانگ، وەگەرد چەسپانن کار زوورانە لەبانیان و بیمناڵکردن ژنەیل وەزوور.

جینۆساید

ئەمریکا و ۆەرلەمانتارەیلیگ لە دەوڵەتەیلیگ خوەرئاوایی وەرەو توومتبارکردن وڵات چین روی کەن وە جیوەجیکردن جینۆساید لەبان کەمینەیل، ک پەکین وە سەختی رەتیان کەێد و وەریکارەیل ئەمنی گرنگ دژوە تونەڕەوی دانەێدەی.

ئەو ڕاپۆرتە ک لەلایەن نەتەوە یەکگرتگەیل لەباوەت کۆیلایەتی نوو (تومویا ئەبوکاتا) دەری کردیە، باس دوو رژیم حکومەتی جیاواز کەێد لە وڵات چین کار زوورکاری لەناویان بویە، و راپۆرتەیل  تۆێژنەوە و ریخریایەیلیگ نا حکومەتی وەگەرد قوربانیەیل کردە بەڵگە.

راپۆرتەگە وتیش: لە وەختیگ ئی بەرنامەیلە دەرفەت کار ئەرا کەمینەیل پەیا کەێد وداهات تاکەیلیان زیای کەێد، دانەر  تایبەت راپۆرت نشانەیل کار ناچارکردن نشانەی سرووشت نا خوەیوەخشی ئەرا کار دەێد ک کۆمەڵگایل زەرەدمەن لە فرە جاریگ پیشکەشی کەن.

چەودیریکردن فرەیگ وژیان سەختیگ

هەمیش باس سرووشت وئاست ئەو زوورە کرد ک لەبان کریکارەیل کریەێد، جویر ئەو چەودیریکردن فرە ورەوشەیک ژیان وکار سەخت، ک هاتێ بڕەسێدە کۆیلەکردن جویر تاوانیگ دژوە مرۆیی، و شایستەی تۆێژنەوەی زیاترە

وڵات چین رەخنەی راپۆرتەگە و نویسەری کەێد

لەلای خوەییش، وانگ وینبین قسەکەر وەزارەت دەرەوەی چین، ئمڕوو چوارشەممە، توومەتبار ئەبوکاتا کرد ک خوەی خوەشی هاتیە بڕوا وە درووەیل وزانیاریەیل دروو بکەێد ک ئەمریکا و هیزەیل دژوە چین هەڵیان وەسانە.

وەگەرد زوورکردن جین لەبان ئەوە ک ماف کەمینەیل مقەیەتی کریاگە، رخنەی دانەر تایبەت راپۆرت لەلای نەتەوە یەکگرتگەیل کرد ک ناو چین بەدناو کەێد، وکار لەلای سیاسەت هیزەیل دژوە چین کەێد.