یە زیاتر لە چوار مانگە هۆگربیتس لە بڵاوکردن پۆست لەبان ماڵپەڕ خوەی لە "X" واز هاوردەی دویای دەسکردن وە جەنگ غەزە.

 ئەو زانا لەبان  "X" نویسان: سوو چوارشەممە هەسارەیل لەیەک نزیکەو بوون: کە هەر ١٤ ساڵ جاریگ جفتەو بوون, خوەر و موشتەری و ئۆرانۆس هەر ١٤ ساڵ جفتەو بوون،  دویاتریان لە ٢٠١٠ بوی، ئی گلە ٤ جفتەو بوین زیاترەو بوود، کە هووشداری کرد لە دروسبوین گورجی زەویلەرزەی سەختیگ هاتێ بڕەسێدە ٨ پلە لەبان پەیمانەی ریختەر.

ئەو زانا وتیش: شیوەی ناوازەیگ لە سیستم خوەر بوود، وەگەرد جفتەوبوین گەورەیگ وەگەرد خوەر و هەسارەیل لە رووژەیل ١٢ و١٣ی ئادار.

وتیش؛ ئەو جفتەوبوینە لەلایەن زەویلەرزە لەبان زەوی فرە دەسپاچەس، و لە رووژ ١٣ (چوارشەممە) و سەرەتای رووژ پەنجشەممە مانگیش وەڕزار خوەر و چوار هەسارە وسێد.

زانای زەویلەرزەی هۆڵەندی وتیش: باوڕ دیرم ئەندازیاری هەسارەیل وەگەرد مانگ هیلێد ڕووژەیل ١٤ و ١٥ و ١٦ی ئادار و هاتی تا رووژ ١٧یش ئەگەر زەویلەرزەی قایمیگ هەس.

وتیش: ئەگەر بنووڕیمنە جفتەوبوین خوەر و زوهرە و مەریخ، لە دیسەمبەر ساڵ ٢٠٠٤ ، وەگەرد زەویلەرزەیگ وەتونی ٩.٣ پلە وەرانوەر کناراوەیل باکوور سومەترە بوی.

هووشداری لە ماوەی لە ١٥ تا ١٧ی ئادار کرد کە هاتێ زەویلەرزەی قایمیگ یا مەزن بوود .. و گرنگی ئامادە بوون، کە لە بەدترین سیناریۆ هاتێ زەویلەرزەگە لە ٨ پلە لەبان پەیمانەی ریختەر زیاتر بوود.