شەفەق نیوز/ ئامار کوشیاگەیل ئەو زەویلەرزەی مەرگبارە ک دادە باشوور تورکیا و باکوور سوریا، ئمڕوو شەممە، لە ٤٥ هەزار کەس رەد کرد، وەگەرد پەیاکردن رزگاربویەیلیگ نوو لە ویلایەت با تورکیا، دویای ١٣ رووژ لە کارەساتەگە.
فەخرەدین قوجە وەزیر تەندروسی تورکیا، وت: وڵاتەگەی شانەی قەیران دروسکردن ئەرا هەماهەنگیکردن ئەرکەیل وەڕیەوبردن ئەو کارەساتە لەپشت زەویلەرزەگە، وتیش: هەزاران نەشتەرگەری جیوەجی کریا، توانایل پزشکیمان خستیمنە وەردەس زەخمدارەیل زەویلەرزەگە.
وەرانەوەر ئەوە، ئیدارەی مەرز بابل هەوا لەبان سنوور سوریا و تورکیا وت: دوو کاروان دەسمیەتی، ئمڕوو شەممە، چینە باکوور سوریا، و دیاری کرد ک یەکیگ لەی دوو کاروانە نەتەوەییە، و ئەوەکە لە کۆمەڵگەیل خێرخوازی، ک کەرەستەیل ئەرا زەرەدمەنەیل زەویلەرزەگە هاناویان.