شەفەق نیوز/ پۆلیس ویلایەت ساوت کارولینای ئەمریکا، رووژ شەممە، خەوەردا لە کوفتن تەقەکردنیگ لەناو کۆمەڵگەیگ بازرگانی لە شار کۆڵۆمبیا، و خەوەر لە کەفتن زەخمدارەیلیگ رەسی.          

پۆلیس کۆڵۆمبیا لەبان تویتەر نویسان: زەخمدارەیلیگ لەو تەقەکردنە کەفتن، و ئیسە هانە خەسەخانە.  

پۆلیس وتیش: لەی وەختە شمارەی زەخمدارەیل دیار نییە، وباس ئەوە کرد ک ئەفسەرەیل مۆڵ (کۆڵۆمبیا سەنتەر) چووڵ کەن و مەردمەگە خەنە شوین ئارامیگ.    

لە وەختیگ گوزەشتە لەی مانگ نیسانە، شار نیویۆرک رویداویگ دڵتەزن وەخوەی دی، ک تەقەکردنیگ بویە هووکار زەخمداری ١٣ کەس لەناو میترۆی گەڕەک برۆکلین.