شەفەق نیوز/ پاسیگ کە خوەنەوارەیل مەکتەو ناوەندی لە وەردەم مەکتەویگ خوەرهەڵات چین، ئمڕوو سێشەممە، بڕیگ مەردم تلان، کە بویە هوکار کوشیان ١١ کەس لەناویان ٥ خوەنەوار.
تووڕ سی سی تی لە تەلەڤزیۆن فەرمی وت: ماشینەگە نزیک مەکتەوەگە لە شار شاندۆگ لەدەس رانندەگە دەرچگە.
پاسەگە داد لە بڕیگ خەڵک و مناڵ لە کەنار ریەگە.
تووڕەگە دویای ئەوە بڵاو کرد کە رویداوەگە بویە هوکار کوشیان ١١ کەس کە ٦ گەورە و ٥ خوەنەوار بوینە، وتیش؛ یەک زەخمداریش هەس تەندروسیی سەختە.
وینەیلیگ لەبان سۆشیال میدیا بڵاو کریان نشان دان کەسەیلیگ گەورە چەمیەنەو وەبان مناڵەیل خەڵپان وەخوین لەبان ریەگە کەفتنە، لە نزیک پاسیگ.
ساڵ خوەنەواری نوو لە بڕیگ مەکتەو فەرمی لە وڵات چین لەی هەفتە دەسوەپی کرد.