پلەی گەرمی جەهانی لە نزیک روی زەوی رووژ یەکشەممە ١٧.٠٩ پلەی سەدی بویە، کە کەمیگ بەرزترە لە ڕیکۆرد وەرین ١٧.٠٨ پلەی سەدی کە لە مانگ تەمموز ساڵ گوزەشتە توومار کریاوێد.
شەپوولەیل گەرمی لە ماوەی هەفتەی گوزەشتە ناوچەیل فراوانیگ ئەمریکا و ئەوروپا و رووسیا گردەو.
کۆپەرنیکۆس ئەرا ڕۆیتەرز دووپات کرد کە ٢١ تەمموز ئاست توزمارکریاگ پلەی گەرمی رووژانە رەد کردیە کە ساڵ گوزەشتە توومار کریا، لە توومارەیلیگ کە میژووەگەیان چوودەو ئەرا ساڵ ١٩٤٠.
ساڵ گوزەشتە، لە 3 تا 6 تەمموز ئاست ڕیکۆردەگە لە چوار رووژ لەبانیەک رەد کریا.
کۆپەرنیکۆس وتیش: تا ماوەی ١٣ مانگ لەبانیەک کە لە مانگ حوزەیران ٢٠٢٣ەو دەسوەپی کەێد، ئاست بەرزی پلەی گەرمی توومارکریاس وە بەراورد وە خود مانگەیل ساڵەیل گوزەشتە.
بەشیگ لە زانایەیل باس ئەوە کەن کە هاتێ ساڵ ٢٠٢٤ گەرمترین ساڵ بوود تا ئیسە، تەنانەت لە ساڵ ٢٠٢٣ رەد کردیە جویر گەرمترین ساڵ لە وەختیگەو توومارەیل دەسوەپی کردگە.
ڕاڵشتبوین کەشوهەوا و دیاردەی کەشوهەوای نینۆ کە لەی مانگە کۆتایی هات، بویەسە مدوو بەرزەوبوین پلەی گەرمی ئمساڵ.