شەفەق نیوز/ تیمەیل رزگارکردن رەسینە هاناێ دویەتیگ مناڵ وەناو رەغەد ئیسماعیل، و لە ژیر رمیاگ ماڵیان ک زەویلەرزەگە خاپووری کرد، و رزگاری کردن، وەلی گشت کەسەیل باوانی بوینە قوربانی لەو زەویلەرزەی مەرگبارە ک شەفەق دویەکە داگە تورکیا و سوریا.
رەغەد وەباوەش پیاویگ لە تیمەیل رزگارکردن لەژیر ئەو رمیاگە لە شار ئەعزاز سوریا دەرچگ، و هویچ زەخمیگ وەپیەو نییە.
یەکیگ لە کەسوکارەیلی ک ئیرنگە ئەرک ئیوەتکردن رەغەد کەفتە بان شانی، وت: برا و خوەشکەگەی و داڵگ دووگیانیی لەژیر رمیایەگە گیانیان بوینە قوربانی، و ئمڕوو رەغەد ١٨ مانگانە، لەتە نانیگ خوارد، ک لەوەر سەردی و بی ماوایی لە ژیر پەتوویگ نزیک سۆپەیگ خوەی گەرمەو کردیە.
ئەبو حوسام، کەسوکار رەغەد ئەرا رۆیتەرز وت: باوگ دویەتەگە زنیە، وەلێ هاتێ پشتی شکیاگە، و داڵگی دووکیان بویە و مردگە، و براگەییش لە تەمەن چوار ساڵان مردگە.