شەفەق نیوز/ فەرماندەی گشتی هێز ئەمن ناوخوەیی ئیران عەمید رادان، ئمڕوو چوارشەممە، راگەیان چوار ملیۆن زیارەتکەر ئیرانی وەناو عراق هاتنە لە ری سنوورەیل هشکایی و ئاسمانی ئیران ئەرا بەشداریکردن لە مەراسیم زیارەتکردن چلەی ئیمام حسێن لە کەربەلا.
عەمید رادان لە بەیانیگ پەراوێز وشکنینی لە دەروازەی شەلامچەی سنووری وەگەرد پارێزگای خوزستان باشوور خوەرئاوای ئیران راگەیان: تا ئیسە 2.5 ملیۆن زیارەتکەر گلەوخواردنە، مەزەنە کریەد ئێ شمارە لە رووژ چوارشەممە بڕەسێدە سێ ملیۆن.
دیاریکرد دەروازەی شەلامچە وە دویەم گەپترین سنوور هاتوچوی ملیۆنەها زیارەتکەر دانریەد، وتیش: تا ئیسە لە ری سنوور شەڵمچە 700 هەزار کەس ئەرا وڵاتەگە گلەوخواردنە.
عەمید رادان وتیش؛ لە سایەی هاوکاریەیل هاوڵاتی ئیرانی رێژەی مردنەیل چلە وە رێژەی 31 لەسەد داوەزین وە خوەی دیە.