شەفەق نیوز/ فەرمانبەرەیل کەرت گشتی و بانکەیل لە ئیران دوو رووژ هوچان دا ک لە ئمڕوو چوارشەمەو دەسوەپی کەێد لەوەر بەرزوبوین پلەی گەرمی لەناوچە جیاوازەیل سەرانسەر ئیران، وەپای خەوەرەیل راگەیانن فەرمی.
دەسەی کەشناسی مەزەنەکردیە پلەی گەمی فرەیگ لەناوچەیلە 40 پلەی سەدی رەدبکەێد و لەناوچەیل باشوور خوەرئاوا لەبان خەلیج 50 پلە رەدبکەێد.
رادیۆی کۆمار ئسلامی ئیران (IRIB)وت، فرەیگ لە شارەیل، وە تایبەت پارێزگایەیل ئیلام و بوشەهر و خوزستان پلەی گەرمی بەرزیگ وەخوەی دوینێد ک رەسێدە بان 45 پلە.
ئاژانس ئیرنا" وەناو قسەکەر حکومەت عەلی بەهادری جەهرمی راگەیانیە ئەنجومەن وەزیرەیل "رەزامەنی دایە لەبان پیشنیارەگەی وەزارەت تەندروسی ک چوارشەممە و پەنجشەممە بکریەدە موولەت فەرمی ئەرا پاراستن تەندروسی.
ئاژانسە فەرمیەگە ئاشکەرایکرد، ئی بڕیارە لەوەر رووشنایی ئەو شەپوول گەرمی بی وینە تێد ک ئیران گردیە.