شەفەق نیوز/ دادگایگ تایبەت وە ئاخوندەیل لە تەهران پایتەخت ئیران، فەرمان وە سێ ساڵ زیندانی ئەرا خانمە چالاکوان سیاسی ئیراني
فەریدە موڕاد خانی خوارزای عەلی خامەنائی ریبەر ئیران دەرکرد، ک لە دویادویای مانگ گوزەشتە پشتگیریکردن ناڕەزایەتیەیل راگەیان.
فەریدە موڕاد خانی لە دویادویای تەشرین دویەم گوزەشتە دەسگیر کریا، دویای ئەوەگ بانگواز ئەرا رمانن رژیم کرد و قسە وە خاڵو خوەی عەلی خامەنائی کرد لەوەر کوشتن و بڕین دەزگا ئەمنیەیل وە جەماوەر ناڕەزا.
محمد حسێن ئەغاسی پاریزەر فەریدە موڕاد خانی لەبان تویتەر نویسانن: خانی لەوەردەم دادگایگ تایبەت دادکاری کریا، نەگ دادگایگ پسپۆڕ و فەرمان ١٥ ساڵ زیندانی لەبانی دەرچگ.
وتیش: نەیشنن لە هانای بووم چوینکە ئاخوند نییم، لە وەختیگ توومەتبارگەیش ئاخوند نییە، وەلێ داوای دووارە نووڕین کردم، و سزاگە کردنە ٣ ساڵ زیندانی.
فەریدە موڕاد خانی خانمە چالاکوان لە چین ماف مرۆڤ كار كەێد و ئۆپۆزسیۆن رژیمە، لەبان ئەنتەرنێت بەشداری لە ئاهەنگ لەداڵگبوین شاژن فەرەح پەهلەوی کرد، و نازناو «داڵگ ئیران» بڕیە باڵای.
فەریدە دویەت بەدریە حوسەینی خوەشک عەلی خامەنائیە.