شەفەق نیوز/ سەرۆک ئیرانی حەسەن روحانی، لەڕی ڤیدیۆ کۆنفرانس، چەن پڕۆژەیگ ئاوی لەبان سنوور عراق واز کرد.
لە پارێزگای ئیلام، بەنداو کنجانجم و پڕۆژەی ئاویاری واز کریا، و هەمیش پڕۆژەی ئاویاری لە پارێزگای کەرمانشاه واز کریا.
محمد حاج رەسولی ئەمیندار گشتی سەرچەوە ئاوییەیل وت: ب٤ بەنداوە لە هەشت ساڵ گوزەیشتە لە پارێزگای ئیلام واز کریان، و ئیسە وەگەرد وەکارخستن بەنداو کنجانجم بوودە پڕۆژەی پەنجەم.
بەرزی بەنداوەگە رەسێدە ٨٦ مەتر، و ئەمارەگەی ٨٥ مەلیۆن مەتر شەشپاڵو گرێد.
٤٢ چەم هاوبەش لەناوبەین عراق و ئیران هەس، لەلیان پەلەیل و سەرچەوەیلیگ ئاوی هەس ک کەفنە وەر هشمی: لەلیان زاب بویچک و چەم سیروان و ئەڵوەن و هەواسان و قوورەتو.