شەفەق نیوز/ ئەرا یەکەمنجار لە میژوو ئەمریکا سزای لەسێدارەداین وەبان ژنیگ رەگەز ئاڵشتکریاگ جیوەجی کەێد.
وەپای ئیدارەی زیندانەیل واشنتۆن راگەیان، ئێمبەر ماکلۆکلین تەمەن 49 ساڵە، توومەتبارە وە کوشتن وە ئەنقەست و ئیرنگە سزای لە سێدارەدان دیرێد.
وەپای بەیاننامەگە کوشیاییگ لەساڵ 2003 وە دەرزی ژەهراوی کوشندە وە لایەن ماکلۆکلینەوە لەلیدریاگە.
دیاریکەێد، ماکلۆکلین یەکەم کەس رەگەزئاڵشتکریاگە ک سزای لەسێدارەداین وەبانی جیوەجی بکریەێد و یەکەم سزای لەوجویرەس لە ساڵ 2023.
باس لەوەشکردیە، توومەتبارەگە وەگەرد ئەوەی لەو ماوە رەگەز خوەی ئاڵشتکردیە ئەرا ژن باوجی هەر لە بەش تایبەت وە ئەو پیاوەیل سزای لە سێدارەداین دیرن مەنیە.