شەفەق نیوز/ سوپای تایوان گولەی هوشداری ئەرا فڕۆکەیگ بێفڕۆکەوان چینی وەشان، دویای چەن ساعەتیگ لە راگەیانن خانمە سەرۆک دەوڵەتەگە لەوە ک شایەت ئەگەر کارەگە بخوازێد ریکارەیل تونیگ جیوەجی بکەێد.
قسەکەریگ سەربازی، ئمڕوو سێشەممە، وت: ئەو گولەیل هوشداریە وەشیانە دویای ئەوە ک فڕۆکەیگ چینی لە ئاسمان دوورگەی بویچگیگ باڵ کرد، ک هادەس تایوان نزیک کناراو چینی.
قسەکەرەگە وت: فڕۆکەگە دویای ئەو گولەیلە وەرەو چین گلەو خوارد.
یە یەکەم جارە گولەی هوشداری وەشیەێد لە رویداویگ وەیجویرە، وەگورەی قسەی "گاردیان".
خانمە سەرۆک تایوان وت: وڵاتەگەی ئەوەسا وە خوەیگردن لە نوای چزداین چینی پابەند بوود، باوجی ئەگەر کارەگە بخوازێد شایەت ریکارەیل تونیگ جیوەجی بکەێد.