ئەو وەزیرە لە ناو گردەوبوینیگ تایبەت کۆڕبەند ئابووریی جەهانی لە سعودیە وتیش: کەمەوبوین وە مدوو پەککەفتن جویلەی کەشتیوانی لە ئەنجام رویداوەیل دەریای سوور بویە.
عەبدولفەتاح سیسی سەرۆک میسر لە مانگ شوبات گوزەشتە راگەیان کە داهات کەناڵ سویس کە کڕ کەشتیوانی جەهانییە، لەوەر رویداوەیل دەریای سوورە "لە ناوەین 40 تا 50%" کەم کردگە.
لە مانگ یەک ساڵی گوزەشتە بلومبێرگ راگەیان: هامشوو کەشتیوانی لە کەناڵ سویس لە لویتکەی ساڵ 2023 وە ڕێژەی 41% کەم کردگە، یەیش لە وەختیگ کە گرژییەیل لە باشوور دەریای سوور زیای بویە لەوەر ئەوەگ حووسییەیل وە ئامانجگرتن ئەو کەشتیەیلە وە دەریاگە رەد بوون لە سەرەتای دەسوەپیکردن جەنگ غەززەوە لە ٧ تشرین یەکەم گوزەشتە.
داهات کەناڵەگە لە ساڵ دارایی ٢٠٢٢-٢٠٢٣ رەسیە ٩.٤ ملیار دۆلار، لە وەختیگ لە ساڵ دارایی وەرین هەفت ملیار دۆلار بویە.