شەفەق نیوز/ ئەو تیم رزگارکردنە ک حکومەت هەرێم کوردستان ئەرا تورکیا کلی کرد، ئمڕوو دووشەممە، توەنست باوگ و دویەتیگ لەژیر رمیاگ زەویلەرزەی ویرانکەر تورکیا درارێد، ئەوەیش دویای یەک هەفتە.
بێوار عەبدولعەزیز ئەندام تیمەگە ئەرا ئاژانس شەفەق نیوز وت: توەنستیمن باوگ و دویەتیگ لەژیر رمیاگ ماڵیان ک زەویلەرزەگە رمانەی رزگار بکەیمن.
وتیش: باوگ و دویەتەگە تەندروسییان خاسە، و فریاکەفتن سەرەتایی ئەرایان جیوەجی کریا، و بریانە خەسەخانە.
شەفەق رووژ دووشەممەی گوزەشتە، شەش شوباتر زەویلەرزەیگ وەتونی ٧.٨ پلە لەبان پەیمانەی ریختەر دادە تورکیا و سوریا، و بویە هوکار کوشیان و زەخمداری زیاتر لە ١٠٠ هەزار کەس، و سەرگەردانی مەلیۆنا کەس لە هەردوگ وڵاتەگە.