شەفەق نیوز/ پاسەوان کناراوەیل یۆنان، تەرم نزیکەی ٢٩ کەس لە بەلەمیگ وەرانوەر کناراو باشوور خوەرئاوایی لە هشکایی سەرەکی یۆنان دراوران، و رەساننەیانە شار کالاماتا لە باشوور وڵاتەگە.
پاسەوان کناراوەیل وت: ناوەند مینەکردن و رزگارکردنی ، شەو دووشەممە ئاگاداری لە گرفتیگ وەگەرد بەلەمیگ وەرگرد ک ٢٩ کەس هەڵگردیە، وەدویری ١٥٥ کیلومەتر باشوور خوەرئاوای ناوچەی بیلوس، لەناوچەی بيلوبونيز باشوور یۆنان.
پاسەوان کناراوەیل وت: ئەو کەسەیل ناو بەلەمە ١٠ پیاو و یەک ژن و ١٨ ناخاڵە بوین، گشتیان خەڵک ئەفغانستان و ئیران وبنغلاديش بویژە، وەناو کەشتییگ نەرویجی ئەرا کالاماتا هاتنە، ودیاری کرد ک بەلەمەگە لە کناراو تورکیا لەنزیک شار ئیزمیر هاتیە، و وەرەو ئیتالیا چیە.
دوو کەسیش لەناو کەشتیەگە بوین دەسگیر کریان، و هەردوگیان ئیرانی بوین، و دەسەڵاتەیل یۆنان دەسگیر هەر کەسیگ کەێد بەلەم وە کووچبەرەیل بڕانێد و توومەتی وە قاچاخی کەێد.