شەفەق نیوز/ ئمروو جومعە، درۊژترین مانگگیران لە ماوەی٥٨٠ ساڵ دەس وەپێکرد، ک وەلایەن ئاژاس ناسا وە "نزیکەی مانگگیران وە تەواوی " باس کریەێد.
مانگ وە تەواو ئەرا ماوەی 3 ساعات و 28 خولەک لە زەۊی مینێد و ناسا مانگگیرانەگە وە "مانگگیرانیگ تەواو" باس کەێد چۊینکە مانگ وە تەواوی لە ژیر سایەکی زەۊی نیکەفێد.
ئێ رووداو ئاسمانی مێژووییە لە گشت ئەمریکای باکوور و و لە دوو بەش خوەرئاوای ئەمریکای باشوور و باکوور خوەرئەڵات ئاسیا و بەشەێل خوەرئەڵات ئوسترالیا دیاردەێد.
مانگ وە تەواوی لە مانگ تەشرین دۊیەم دەرچوود، لە ئەمریکا وە مانگ بیڤەر ناوبریەێد لەبان بنەمای رووژشمار رەسەن ئەمریکی چۊینکە سمورەێل ئەرا زمسان لە ئێ مانگەوە ئامادەکاری کەن، هەرلیوا وە "مانگ خۊیناوی" ناوبرێد لەوەر ئەوەیلگ وە رەنگ سوور دەرکەفێد لە مەوقەی مانگگیرانەگە.
جی ئاماژەس ئێ مانگگیرانە ک لە شەو نوان پەنج شەممە و جومعە رۊی دەێد دۊیا مانگگیران ساڵ 2021ە و مانگگیرانەگەی ئایندە لە 16 ئایار 2022 رۊی دەێد.