شەفەق نیوز/ ئاو چگە ناو ماڵە خەڵکەگە لە ناوچەی غەزە لەوەر ئەو وارانەیل فرە رفتە کە تا چەن ساعەتیگ بیهوچان لە شەفەق چوارشووممەو وارێد.
شارەزای کەشناسی فەلەستینی لەیس عەلامی وت: زریان دانیال کە لە رووژ یەکشەممەی گوزەستا داد لە لیبیا، و شەفەق چوارشەممە رەسیە فەلەستین، نا ئارامی لە کەشوهەوا دروس کرد.
وتیش! زریانەگە تا رەسیە وڵات میسر ئیجا رەسیە فەلەستین فرە لە هازی کەمەو بوی، و نائارامی لە کەشوهەوا دروس کرد.
دیاری کرد کە پلەی گەرمی نزیکەی ٤ - ٦ پلە داوەزیا.
وتیش؛ ئی زریانە لەناو خاک فەلەستین تەواو بوود، و لەی ساعەتەیل نزیکە نیەمینێد.