شەفەق نیوز/ پولیس کینیا، ئمڕوو دووشەممە، دەسگیرکردن بکوشیگ راگەیان کە ٤٢ ژن کوشتیە، ئەوەیش دویای پەیاکردن ٩ لاشەی ژن پارچە کریاگ لە شوین فڕەدان گەناڵخە لە نیرۆبی پایتەخت.
کولینز جمیسی خالوشا لە تەمەن ٣٣ ساڵان، ئاشکرا کرد کە ٤٢ ژن کەشتیە و لاشەیان پارچە کردگە و وەناو شوین گەناڵخە فرەیان داگە، ئەوەیش لە گەڕەک موکورۆ باشوور پایتەخت کینیا.
خالوشا لە شوینیگ دەسگیر کریا کە خوازیە بچوود تا بازی تووپان کۆتایی جام ئەوروپا بوینێد، و خوازیە لەو شوینە ژنیگ ترەک بخەڵتنێد تا وەگەرد خوەی بوەێدەی و بکێدەی قوربانی تاوانەیلی.
لە وەشوینکەفتن بەیاننامەیل مۆبایل ژنیگ لە قوربانییەیل بکوشەگە ناسیاس، و هەناێ ماڵەگەی وەشکاننە، داسیگ پەیا کردنە کە ئەرا پارچەکردن لاشەی قوربانیەیل وەکاری تیەرێد.
یەکەمین قوربانی ئەو تاوانکارە بوی کە ئەویشن بیماری مەغز دیرێد ژنەگەی خوەی بوی، کە خنکانیەسەی ئیجا فرەی داگە.
ئی تاوانەیلە لە ناوەین ساڵەیل ٢٠٢٢ تا ساڵ ٢٠٢٤ وەردەوام بویە.
ة