ناوبریاگ وە پەرلەمان وتیە، 13 لەلیان خونەوار تەمەن 16 ساڵانن و یەکیگیشیان دویەتە و فرەیگیان خەڵک ئەلبانن.

رووژنامەی ئەوبزرفر، لە گوزەشته نویساوێد، خوەنەوارە ناخاڵە پەنابەرەیل وەدەس باندەیل تاوانکارەیل رفیەن لە دەێشت ئۆتیل نیشتەجیبوینیان لە برایتون  باشوور ئنگلتەرا.

سەرچەوەیگ لە کۆمپانیای میت وەگەرد حکومەت وە رووژنامەیل راگەیان " رفانن زاڕوویەیل لە دەیشت بینایەگە ئەنجامدریەێد و هویچ نوینیگ لەلیان نیەمینێد، قاچاغچیەل لەبان جادە رفننەیان.

پۆلیس ساسکس راگەیان، هویچ راپۆرتیگ وەپیمان نەڕەسیە لە باوەت رفانن کەسەیلیگ لە هۆتێلەیل برایتۆن، باوجی خەوەردار کریایمنە لە دوو مناڵ لە یەکیگ لە هۆتێلەگان مەننە و لە مایۆ 2022 سوار ماشینیگ بوینە.

پۆلیس وت: لەبان ری خێرایگ ماشینەگە وساننە و دوو پیاو دەسگیرکردنە وە توومەت بازرگانیکردن وە ئایەم، سێ سەرنشینە مناڵەگەیش خریانە ژیر چەودیاری سەرپەرشتی وەزارەت ناوخوەی.

جینیرک راگەیان لە یولیۆ 2021ەو، 440 کەس دیارنەمەننە" ک داوای پەنابەری ئەکردن ئەرا هۆتیلەیلیان گلەونەخواردنە ک خوەیوەخشانە لەورە میننەو.

وتیش شمارەیگ فرە لە ئەندامەیل ئاسایش هانە هۆتیلەگە وەگەرد پەرستار و پسپۆرەیل کۆمەڵایەتی.

هەشتاوهەشت لەسەد لە گومبویەیل خەڵک ئەلبانن.

و زیاتر لە 200 هەزار رویداو گومابوین توومارکریایە لە چەودیاریکردنەیل مناڵ لە سەرانسەر ئنگلتەرا، وەپای  شمارەی حکومەت.