پولیس ناوچەی لاتا لە کۆنگرەیگ رووژنامەوانی وت: دەسگیرکردن (ب.ك) ٢٨ ساڵان، دویای سکاڵایگ تاوانی وە جیوەجیکردن چوار توومەت کوشتن لە پلەی یەک وەگەرد تاوان دزیکردن.

وەرجە چەن هەفتەیگ، پولیس ئەمریکا لێکۆڵینەوەی فراوانیگ واز کرد، دویای رویداو کوشتن چوار خوەنەوار لە زانکۆی ئیداهۆ، لە ماڵیگ نزیک زانکۆگە.

لێکۆڵینەوە دویای وەشوینکەفتن خاوەنداری ماشین چەرمگیگ لە نزیک شانۆی تاوانەگە بویە، وەگەرد وەشکین دی ئێن ئەی کریا.

سەرچەوەیگ ئاگادار لە باوەتەگە وت: زانست وەشکین بنچینە دەسمیەتی پولیس دا تا توومەتبارگە بناسن، تا رەسینە ناسنامەی.

سەرچەوەیگ دیاری کرد ک توومەتبارگە ماشینیگ چەرمگ رانیە تا رەسیەسە ماڵ باوانی لە بنسلفانیا،  و تیم لێکۆڵینەوەی فیدڕاڵی تا چوار رووژ چەودیاریی کردگە، تا لەو ناوچە دەسگیر کریا.

توومەتبارگە خوەنستن باڵا لە دکتۆرای بەش داد تاوان و زانست تاوان لە زانکۆی ویلایەت واشینتۆن تەواو کەێد.

شار موسكو، ک خوەی شاریگ زانکۆییە کەفێدە بان تەپەیل  باکوور لەناوڕاس ویلایەت ئیداهۆ، لەبان رویداو کوشیان   ئيثان تشابين، 20 ساڵان، و زانا كيرنوديل، 20 ساڵان و كايلي جونكالفيس، 21 ساڵان وماديسون موجين، 21 ساڵان وە چەقوو تا مردن، لە مانگ گوزەشتە لەرزێد.