وەگورەی ئاژانس "فيستی. رو" رووسی، هویچ کەسیگ تا پەنج ساڵ نەکەفتە فتراق خەوەر ڤایرۆسەیل، وەلێ پەتای کۆڤید-١٩ هیشت گشتی بکەفێدە شوین هەر چشتیگ پەیوەندی وە ڤایرۆس دیرێد.
ریخریاگ تەندروسی جەهانی هوشداری لە پەتایگ لە کۆڕۆنا رخبەرتر دا، ئایا ئەو ڤایرۆسە چەس ک بوودە هوکار ئەو پەنا ک تەندروسی جەهانی هوشداری لەلی داد؟
دکتۆر یلینا مالینیکۆڤا خانمە سەرۆک بەش زانست ڤایرۆس لە ئەکادیمیای پزشکی رووسی وت: هەڵبەت وەگەرد ڤایرۆس کۆڕۆنا ڤایرۆسەیل رخبەریگتر لەبان زەوی هەس.
دیاری کرد ک یەکیگ لەی ڤایرۆسەیلە ڤایرۆس (هانتا)س ک بوودە هوکار تەو مویش، ک بەشیگی رەسێدە ئایەمیش، و ڤایرۆس هانتا وەڕی مویش و گرزە تیەێد، و بوودە هوکار تەو خوینوەربوین وەگەرد بیماری گورچگ.
وتیش؛ هەناێ نووڕیمنە ئەو پەتایلە ک وە ڤایرۆس هاننا تیەنەدی، دوینیمن ک لە وڵات چین و رووسیا فرەتر بڵاو بوون، و راپۆرتەیل ئیرنگە نشان دەرهاتن چاپ نوویگ لە ڤایرۆس هانتا نشان دەن، ک توانای تویشهاتن ئایەم دیرێد، و یەیش کاریگ رخبەرە.
وەگورەی قسەی مالینیکۆڤا؛ ڤایرۆس هانتا فرە رخبەرە، وەلێ تویشهاتنەیلی فرە توومار نەکریاگە، وەگەرد ئەوەیش، ئی ڤایرۆسە وە فەرمی لەناو لیست چەک تیرۆر بایۆلۆژی توومار کریاگە.