شەفەق نیوز: جاسێندا ئەردێرن خانمە سەرۆک وەزیرەیل نیوزلەندا،  ناچار بۊی ئاهەنگ سۊرەگەی پۊچەڵ بکەێد و بخەێدەی وەختیگ تر، ک بڕیار بۊی ئمڕوو یەکشەممە بسازێد، ئەوەیش لەوەر ریکارە نووەیلە ک حکومەتەگەی ئەرا نواگردن کۆرۆنا و ئاڵشتبۊی ئۆمیکرۆن چەسپانەی.        

ئەدێرن وت: سۊرەگەم نێکریەێد، دۊیای ئەوە ک ئەو ریکارەیل نووە ئاشکرا کرد، ک دیاری شمارەی ئەو کەسەیلە کرد ک تۊەنن گردەو بوون، ک شمارەیان لە ١٠٠ کەس زیاتر نەوود.   

وتیش: ئەوەسە منیش کەفتمە گەرد کەسەیل فرەیگ لە نیوزلەندا ک کەفتنە ئیجۊر ئەزموونیگ لەوەر پەتاگە،  و منیش داوای وەخشین کەم لە هەر کەسیگ کەفێدە ئیجۊر سیناریۆی.