شەفەق نیوز/ رەنج پشدەری چالاکوان لە کاروبار کووچبەرەیل، ئمڕوو شەممە، رزگارکردن دەیان کووچبەر راگەیان کە گیانیان لەوەر مردن بوی، دویای ئەوەگ لەناو ئاوەیل هەرێمی یۆنان رییگ لە نوایان نەمەن.
پشدەری لە پارچە ڤیدیۆییگ لەبان ماڵپەڕەیل سۆشیال میدیا بڵاو کریا وت: کەشتییگ بازرگانی هن دەوڵەت ئەستۆنیا ٥٨ کووچبەر رزگار کرد کە لەبان بەلەمیگ وەرانوەر کەناراوەیل یۆنان گیر هاتوێن، وتیش: ئەو کووچبەرەیلە ئیسە هانە لای دەسەڵاتەیل یۆنان.
وتیش: ئی کووچبەرەیلە کوردن خەڵک هەرێم کوردستان عراق و سوریا، و بەلەمیان کونا بویە و دەسکردە نوقمبوین، و ژیانیان لەڕوی مەرگ بویە، ئەگەر کەشتی بارهەڵگر ئەستۆنیا نەویاتاد، و دووپات کرد کە نە ئیتالیا و نەیش یۆنان هویچ دەسمیەتییگ ئەرا رزگارکردنیان نەکردن، هەرچەن هاوار وەهاناڕەسین رەسیە ئەو دوو دەوڵەتە.