شه‌فه‌ق نيوز/ سعه‌د حه‌ريرى سه‌رۆك وه‌زيره‌يل لوبنانى، جه‌خت له‌وه كرد سزايه‌يل ئه‌مريكى له‌بان په‌رله‌مانتاره‌يل له حزبوڵڵا جوور ئاراسته‌ى تازه‌يگه، وه‌لێ كاريگه‌رى نه‌يرێد له‌بان كار حكومه‌ت يا په‌رله‌مان له لوبنان.
له‌ى باوه‌ته‌و، نويسينگه‌ى سه‌رۆك وه‌زيره‌يل لوبنانى له به‌ياننامه‌يگ وت حه‌ريرى داواى ئه‌وه كردگه موبالغه له كاروبار سزايه‌يل ئه‌مريكى نه‌كريه‌ێد و وتگه يه‌يش مه‌سه‌له‌يگ تازه‌س و وه‌شيوه‌يگ گونجياێ مامڵه وه‌ليا ئه‌كه‌يم.
جى باسه، حه‌ريرى هه‌ميش وت: گرنگ ئه‌وه‌سه مقه‌يه‌تى له كه‌رت بانكى و ئابوورى لوبنانى بكه‌يم، و ئوميد ئه‌وه‌يش خواست لوبنان له قه‌يرانه‌ى وه نزيكترين وه‌خت ده‌ربچێد.