وەگورەی راپۆرت ریخریاگ یونیسکۆ لە جیای دەیەی نەتەوە یەکگرتگەیل کە پەیوەندیدارە وە سامانەیل ئاو، بەیاننامەیگ لەلایەن پەیمانگەی سامانەیل ئاو جەهانی دەسنیشان ئەوە کەێد کە ٢٥ دەوڵەت ئیرنگە کەفتنەسە سەختی ساڵانەی بەرزیگ لە ئاو، واتە زیاتر لە ٨٠٪ لە تەکان ئاو نوویان ئەرا ئاویاری و ئاژەڵ و پیشەسازی و ماڵەیل وەکار تیەرن كە هشکەساڵی کوڵ ماوەیش ئی ناوچەیلە خەێد رخ نەمان ئاو.
وەگورەی راپۆرتەگە، زیاترین ئەو ناوچەیلە کە کەفنە وەر مەینەتی ئاو ناوچەی خوەرهەڵات ناوڕاس و باکوور ئەفریقاس، کە ٨٣٪ لە خەڵکەگەی کەفنە وەر سەختی فرە بەرزیگ لە ئاو، و باشوور ئاسیا، کە ٧٤٪ لە خەڵکی کەفنە سەختی ئاو.
قەتەر و لوبنان و بەحرەین و ئیمارات و عومان، ئەو پەنج دەوڵەتە وە ئاست بەرزیگ کەفنە مەینەتی ئاو.
عراق و جەزائیر کەفتنە پلەی ١٢ و ١٣ وە خود ربژەگە ٤.٧٥ کە ئەوەیس ئاستیگ فرە بەرزە ئەرا ئەو دەوڵەتەیلە کە لە ساڵ ٢٠٥٠ کەفنە وەر مەینەتی ئاو، لە وەختیگ سوودان و سۆماڵ و جیبۆتی کەفتنە دویاترین رزەگە.