شه‌فه‌ق نيوز/ دۆناڵد تره‌مپ سه‌رۆك ئه‌مريكا، باس له‌وه كرد وڵاته‌يل يه‌كگرتگ ئاگاداره له‌وه‌گ كى تاوانباره له په‌لاماره‌يل ئه‌را بان دامه‌زرياگه نه‌فتيه‌گه‌ێ سعوديه و جه‌خت له‌وه‌يش كرد واشنتۆن ئاماده‌س ئه‌را جواودانه‌وه‌ى ئه‌و لايه‌نه ك ئه‌و ده‌سدريژيه ئه‌نجام داگه.
تره‌مپ له لاپه‌ڕه‌ى خوه‌ى له‌بان ماڵپه‌ڕ كۆمه‌ڵايه‌تى تويته‌ر، وت: په‌لامار دامه‌زرياگه‌يل نه‌فت سعودى درياو هووكاره‌يليگيش هه‌ن ئه‌را ئه‌وه‌گ ئيمه بزانيم تاوانبار كييه، و ئيمه‌يش ئاماده‌يم ئه‌را جواودانه‌وه‌ێ ئه‌و لايه‌نه ده‌سدريژێ كردگه، وه‌لێ ئيمه چه‌وه‌ڕييم له شانشين عه‌ره‌بى سعودێ بژنه‌فيم له‌و باوه‌ته‌و ك كام لايه‌ن هووكار بويه‌و چوين جواويه‌و بيه‌يم.
جى باسه، له‌باره‌ى ديداريشى وه‌ل حه‌سه‌ن رۆحانى سه‌رۆك ئيرانى، تره‌مپ وت: راس نيه ك من ئه‌خوازم ديدار وه‌ل ئيرانيه‌يل بكه‌م وه‌بى مه‌رج.