شەفەق نیوز/ رێکخراو تەندروسی جهانی، ئمڕوو چوارشەممە، ئاشکرای دەرچگن بنچینەی ئاڵشتبوی هیندی لە ڤایڕۆس کۆڤید-١٩ لە ٤٤ وڵات کرد.

رێکخراوەگە دیاری کرد ک بنچینە هیندیەگە ک وەناو «بی ١،٦١٧»  ناسریاگە، لە ٤٤ وڵات وەگشتی ئاشکرا کریا، و دیاری کرد ک لە دەیشت سنوور هیندستان گەورەترین شمارەی تووشهاتنەیل وەی بنچینە لە بەریتانیا ئاشکرا بوی.

وتیش؛ ئی بنچینە ک. لە تەشرین یەکەم گوزەیشتە ئاشکرا بوی، سێ بنچینەی تر دروس کرد، لە بەرزەوبوین بیوەرینیگ لە شمارەی تووشهاتنەیل ڤایڕۆسەگە لە هیندستان.

ونشان دا ک شایەت جیوازییگ لەناونی سێ بنچینە گرنگەگە بوود، باوجی ئەو بەڵگەیلە ک ئیسە هانە وەردەس فرە کەمن تا تاک تاک لەلیان شیەو بکەێد.

وڵات هیند لە ماوەی ٢٤ ساعەت گوزەیشتە ٤ هەزار و ٢٠٥ مردن وە ڤایڕۆس کۆڕۆنا، وەگەرد ٣٤٨ هەزار و ٤٣٠ تووشهاتن وە ڤایڕۆسەگە تۆمار کرد.