شەفەق نیوز/  رێکخریاگ تەندروسیی جەهانی هوشداری دەێد لە بڵاوبۊن  سۊریژە لەناو مناڵەیل وە فرەیی وەجۊریگ بیماریەگە تەنیا لە دوو مانگ یەکەم ئمساڵ نزیکەی رێژەی 80% زیایکردیە.

وەپەی ڕێکخریاگ تەندروسیی جەهانی و رێکخریاگ یونسێف سەروە نەتەوە یەکگرتگەیل، لە دوو مانگ یەکەم ساڵ 2022 رێژەی تۊشبۊن وە سۊریژە 79% زیایکردیە وەبەراورد وەهەمان ماوە لە پارەکە. 

رێکخراوەگە مەترسی لە بڵاوبۊن بیماریەگە وەشیوەی پەتا لە ئمساڵ لەناو ملیۆنا منداڵ خەێدەرۊ.

وەپەی داتاگان رێکخریاگ تەندروسیی جەهانی، 17 هەزار و 338 منداڵ تۊش سۊریژە بۊنە تەنیا لە دوو مانگ یەکەم ئمساڵ، ئەو شمارەیە زیاترە لە ئامارە توومارکریاگەیل گوزەشتە و هووکارە ئەرا  مەترسیی هەبۊن  پەتا لەناو مناڵەیل. 

کاسرین ڕاسل وەرێەوەبەری گشتیی یونسێف ئۊشێد، “مەترسییەیل بڵاوبۊن سۊریژە جۊر پەتا تەنیا ئەوە نییە ک بیماری مناڵانەی  کوشندەیگ، بەڵکم دیاری ئەوە کەێد گرفت  گەورەیگ هەس لە سیستم دابەشکردن ڤاکسینەیل لەجەهان”. 

وەڕێەوەبەر گشتیی ڕێکخریاگ  تەندروسیی جەهانی تیدرۆس ئەدهانۆم گیبریسوس دیاری کرد، پەتای کۆڤید-19 هوکار دروسبۊن گرفتە لە دابەشکردن ڤاکسینەیلتر  لە جەهان و گرفت ئەرا سیستم تەندروسیی جەهانی، لەوەر ئەوە ئسفاکەێمن بیماریە بکوشەیلە هاتنەسەو لەناویانیش سۊریژەس. 

وەپەی ئامار رێکخریاگ تەندروسیی جەهانی، لە ساڵ 2020  لەلای کەم 23 ملیۆن منداڵ نەتوەنستنە ڤاکسینە سەرەکییەگان وەربگرن دژ وە بیماری گواستراوە کوشندەیل، یەیش بەرزترین شمارەس لەساڵ 2009 تا ئیسە.