شەفەق نیوز/ دەسەڵاتەیل باس قورتاربوین سەرۆک دەوڵەت گواتیمالا لە تەقەلای کوشتنی وەدەس چەکدارەیلیگ مەکسیکی کردن، ک ئەو پلان خوینینە وە هەڵە جیوەجی کردن.
قسەکەریگ وەناو سوپا لە گواتیمالا وت: تەقە لەناوبەین هیزەیلیگ لە سوپا و چەکدارەیلیگ کریا ک وە ماشینیان هاتنە نزیک شوین پاسەوانەیل سەرۆک ئەلیخاندرۆ جیاماتی، باوجی سەرۆک لەو شوینە نەوی وهویچ زەرەدیگ وەپی نەڕەسێد.
قسەکەرەگە وتیش: هیزەگە ئەو ماشینە وسان هەنای کەفتە نزیک خاڵیگ ئەرا پاسەوانی شاند سەرۆکایەتی مەوقەی سەردان سەرۆک جیاماتی ئەرا ناوچەی هويهويتينانگو وەدویری ٣٠٠ کیلومەتر خوەرهەڵات گواتیمالا سیتی پایتەخت.
کەسەیل ناو ئەو ماشیژە تەقە لە سەربازەیل کردن، ئەوانیش تەقە لەلیان کردن، لە وەختیگ جیاماتی لە شوینیگ بوی ک نزیکەی دوو کیلومەتر لە شوین رویداوەگە دویرە.
قسەکەرەگە وتیش: یەکیگ لە چەکدارەیل، مەزەنە هەس مەکسیکی بوود، لەو تەقەکردنە زەخمدار بوی، و ئیرنگە هاژیر چەودیریکردن پزشکی.
ئەو کەسە چەکدارەیل لەناو ماشینەگە وەرەو سنوور مەکسیک واینە، ک نزیکەی ٨٠ کیلومەتر لە شارەگە دویرە.
قسەکەرەگە دیاری کرد ک سوپای مەکسیک دویای ئەوە ٤ کەس لە سنوور مەکسیگ دەسگیر کرد مەزەنە کریەێد خەڵک گواتیمالا هوون، و رادیۆییگ و گولەی ئاربیجی و نارنجە وەپیان بویە.