ئەبولسەمەد خوڕەم ئابادی یاوەر بانگەشەکار گشتی ت: پولیس لەی دویاییە فەرمان سزادان سەختیگ لەبان هەر خانمیگ یاسای حیجاب ناچاری لە وڵاتەگە شکنێد، وەگورەی ئاژانس "مهر".

ئەو وەرپرسە وتیش: لەچک کەنین پیشیلکاری ئاشکراس، و بایەتە هیزەیل مقیەتیکردن رژیم هەر کەسیگ ئەو تاوانە جیوەجی کەێد دەسگیری بکەن و بیەنەی دەس دادگا تا سزای خوەی بوەێد.

لە هەفتەیل گوزەشتە، دەسەڵاتەیل دادوەری بڕیگ لە قاوەخانە و چیشتەخانە بەسا، بەشیگیان ئەرا ماوەی کەمیگ، لەپشت پابەند نەوین میوانەیلیان وە حیجاب.

یاسای حیجاب ناچاری لەناو ماشینەیل

ئی راگەیانن دادوەریە ک داوا لە پولیس کەێد کوشتن و بڕین وەرانەوەر بشکنەیل یاسای حیجاب ناچاری بکەن، دویای چەن رووژیگ لە ئاشکراکردن میدیایل ئیرانی تیەێد ک پولیس دووارە دەسکردە هوشداریکردن خاوەن ماشینەیل لە پابەند نەوین خانمەیل سەرنشین وە ریسگایل حیجاب ناچاری، ئەوەیش دویای وساننی لە مەوقەی ناڕەزایەتیەیل.