شەفەق نیوز/ەسەڵاتەیل یونانی ٣٧ پەنابەر لە دەریای یونان رزگار کردن، ک نیاز واین لە تورکیا وەرەو ئیتالیا داشتن.
ئاری جەلال وەڕێۆبەر دامەزراو لووتکە ئەرا باوەتەیل پەنابەر و ئاوارەیل لە عراق ئەرا ئاژانس شەفەق نیوز وت: لە ساعەت نۆ وەدە خولەک شەو پەنجشەممەی گوزەیشتە، بەلەمیگ لە دوورگەی کریت یونانی پەکی کەفت، و ٤٥ پەنابەر لەناوی بوی نیاز دەرچگن لە تورکیا وەرەو ئیتالیا داشتن.
جەلال وتیش؛ دەسەڵاتەیل یونان ٣٧ پەنابەر رزگار کردن و هەواڵەیان وەرەو شار یارباتا و کارباتوس یونانی کردن، و تا ئیسە چارەنووس ٨ پەنابەر لەلیان نادیارە، وتیش؛ وەگورەی زانیاریەیلا بەشیگ لە پەنابەرەیل لە کورد عراقن وەئەوەکان لە دەوڵەتەیلیگ تر.