شەفەق نیوز/ زانایلە ک گرنگی وە کەشوهەوا دەن، ئی مانگە سەرسام بۊن، هەنای نشانەیل ویستگەیل توێژینەوە لە "ئەنتارکتیکا" باس توومارکردن پلەیل گەرمی بیوەرینیگ کردن.
پلەی گەرمی لە ویستگەی "کۆنکۆردیا" لە "ئەنتارکتیکا" لەناوچەیگ وەناو "دۆم سی" لە سەردترین شۊنیگ لەبان زەۊی، رەسیە ١١،٣ پلەی خوار سفر، لە رووژ ١٨ی ئادار.
زانایلە ئی پلەی گەرمیە ک لەو رووژە توومار کریایە، جۊر بەرزەوبۊنیگ وە نزیکەی ٣٨ پلەی سەدی لە ئاست ناوڕاسی گەرمی ئەو شۊنە دانە قەڵەم.
ئەو پلەی گەرمیە ک توومار کریاگە، قسەوباسیگ لەلایەن پسپۆڕەیل کەشوهەوا لەبانی کریا، ک گەورەی زانایلە لە کۆمەڵەی "بێرکلی ئێرت" رۆبرت رودی لەبان تویتەر نۊسان: دیارە ک شمارەیگ پەیمانەیی جەهانی نوویگ ئەرا گەورترین بەرزەوبۊن لەبان ئاست سرووشتی لەو ویستگە توومار کریایە.
رانداڵ سێرڤینی مامووستای زانستەیل جوگرافی لە زانکۆی ویلایەت "ئەریزۆنا" ئەرا تووڕ "سی ئێن ئێن" وت: دیارە ئەو خوەنستن پلەی گەرمیە راسە.
سی ئێن ئێن لە زوان ئیتان کاپیکیان پسپۆڕ رەوانگەی کەشوهەوا وت: ئەو پلەی گەرمیە ک لە ویستگەی کۆنکوردیا توومار کریا پەیمانەییە، نەگ تەنیا ئەرا مانگ ئادار، باوجی وەشیوەی گشتی.