شەفەق نیوز/ لە پارچە ڤیدیۆیەیلە مردن بازیکەریگ توپان وە رەگەز ئیندونیسی دەرچگە، لە وەخت رویوەروی بوینەوەیگ دوستانە، لە ناو بازیگا وە شیوەی راستەوخوەی لەڕی بەڵاچە.
وەپای دەزگایەیل راگەیانن ناوخوەیی و دەزگایەیل تووڕەیل کۆمەڵایەتی، هەنای بەڵاچە دەێد لە بازیکەرەگە دەسوەجی گیان لەدەس دەێد لە مەوقەی رویوەرویبوینەوەی دوستانە کە دویەشەو یەکشەممە، وەڕیوەچی.
وەپای دەزگایەیل راگەیانن ناوخوەیی، بەڵاچەگە بازیکەریگ لە "ئێف بی ئەی سوبانغ" وەناو سبتیان تەمەن 30 ساڵان کوشتیە.
بازیەگە لەناوەین تیمەیل "سوبانغ" و " ئێف ئێل ئەو" بویە لەناو بازیگای سیلیوانغی باندونغ.
دەسوەجی بازیکەرەیل وەرەو لای بازیکەرەگە چگنە ئەرا فریاکەفتنی، باوجی دویاهەناسەیلی بویە، لەناو ئەو بازیکەرەیل ترەک.